Christo Nel

Christo Nel

 

Verlede keer het ek vir jou die profetiese prentjie van die rivier van Eseg. 47 gewys wat al die derduisende poeletjies water wat oral gestaan het (in my prentjie) wonderbaarlik begin opvul en met mekaar verbind het toe ʼn stroom lewende water uit die hemel (God se Gees se werking) deur hierdie wêreld van ons gevloei het.

Openbaring 21:22-22:5

Daar in Op. 21:22 tot 22:5 sien ons ʼn soortgelyke profetiese prentjie. Ek wil dit weer vir jou in geheel aanhaal, want ek wil hê dat jy self fyn luister na die Here se stem wat hierdeur met ons praat oor Sy Ekklesia en ons rol in die wêreld.

Dit is ook belangrik om te onthou – om hierdie profetiese prentjie reg te verstaan – dat bykans 80% van die wêreld se bevolking tans in stede woon!
“’n Tempel het ek nie in die stad gesien nie, want sy tempel is die Here God, die Almagtige, en die Lam.

Die stad het nie die son en die maan nodig om hom te verlig nie, want die heerlikheid van God het hom verlig, en die Lam is sy lamp.

Die nasies sal in die stad se lig lewe, en die konings van die aarde verleen luister daaraan.

Die poorte daarvan word gedurende die hele dag nooit toegesluit nie: daar sal nie meer nag wees nie.

Die mense sal die luister en die rykdom van die nasies daarheen bring.

Niks onreins en niemand wat iets losbandig en vals doen, sal ooit daarin kom nie, maar net dié wie se name in die boek van die lewe, die boek van die Lam geskrywe staan.

Toe het die engel my die rivier met die water van die lewe gewys. Dit is helder soos kristal en dit stroom uit die troon van God en van die Lam uit.

Tussen die hoofstraat van die stad aan die een kant en die rivier aan die ander kant staan die boom van die lewe. Hy dra twaalf keer per jaar vrugte: elke maand lewer hy sy vrugte. Die blare van die boom bring genesing vir die nasies.

Daar sal niks meer wees wat deur God vervloek is nie. Die troon van God en van die Lam sal in die stad wees, en sy dienaars sal Hom dien.

Hulle sal Hom sien, en sy Naam sal op hulle voorkoppe wees.

Daar sal nie meer nag wees nie. Die mense het nie die lig van ‘n lamp en die lig van die son nodig nie, omdat die Here God hulle sal verlig, en hulle sal tot in alle ewigheid regeer.”

Is al hierdie metafore wat gebruik word om God se Ekklesia en hulle rol in hierdie wêreld te teken, nie ook vir jou aangrypend nie!

Dat ons soos een rivier lewende water deur die stad sal vloei en lewe oral aan almal sal bedien.

En dan hierdie prentjie van hoe God se teenwoordigheid onder ons en in ons lig sal wees, maar ook soos ultra-violet lig sal wees, wat alles wat sieklik en dodelik giftig is, sal vernietig en gesond sal maak.

Deur ons teenwoordigheid “in die stad” staan die Boom van die lewe letterlik in die stad, waar die “nasies” genesing kan vind.

Omdat God self, Jesus, op die troon sit in hulle lewe, dien (in die sin van “aanbid”, soos in die woord “worship”) Sy Ekklesia Hom 24/7, of hulle eet of drink, of wat hulle ook al doen (soos 1 Kor. 10:31 of soos Kol 3:23 dit sê: “Wat julle ook al doen, doen dit van harte soos vir die Here en nie vir mense nie.”)
Volgende keer gesels ek met jou oor hierdie prentjie in praktyk.

Ek het al baie keer vir jou gesê dat ek oortuig is dat die Heilige Gees besig is om ons hele prentjie van die ware Bybelse Kerk of Ekklesia te verander en te herstel.

In die verband het ek hierdie prentjie gesien.

Orals oor die aarde het hierdie klein of bietjie groter poeletjies water gestaan.

Eens, lang terug, daar in die begin van die vroeë gemeentes van Handelinge, was dit ʼn rivier lewende water wat deur die hele wêreld gestroom het. Maar toe, oor die jare, het “kerkmense” vir allerlei redes, begin om versperrings op te rig en die water oral te blokkeer en op te dam.

Nou staan hierdie poele water oral en omdat God gedurig reën gee, is daar oral steeds lewe, alhoewel, as ons eerlik ʼn in diepte-ondersoek sou doen, sou ons baie tekens van stagnasie en selfs ernstige vergiftiging in baie van hierdie damme vind.

Oral vind ons ook van God se mense wat probeer om mense wat nog nie in ʼn poeletjie êrens is nie, in so ʼn poeletjie te kry sodat hulle daar bedien kan word.

Met ander woorde, hulle neem “ongelowiges” en “kerklos mense” “kerk toe” om teenoor hulle “te getuig” en hulle “deel te kry van die kerk van Jesus”.

Kyk ek en jy na die groter prentjie, sien jy dat alhoewel so ʼn derde van die mense op aarde êrens in een van die dammetjies lê, is selfs ʼn derde tot twee derdes van hierdie “kerkmense” in werklikheid geestelik dood en dryf hulle maar net daar op die oppervlakte.

Die tragiese is egter bykans 70% van die res van die mensdom so ver as moontlik wil wegkom van hierdie dammetjies en hierdie “kerk-mense” af!

Dan sien ek egter God se hart raak en ek sien Sy prentjie raak wat Hy vir die profeet Esegiël gewys het daar in Eseg. 47.

Esegiël 47

Onthou jy nog wat Hy vir Esegiël gewys het?

Dit is so aangrypend dat ek vir jou die hele gedeelte hier gaan aanhaal.

Mediteer en bid daaroor en hoor wat die Gees van God vir jou in die verband sê:

“Die man met die meetstok het my teruggebring na die ingang van die tempel toe. Toe sien ek daar kom water onder die tempel se drumpel uit aan die oostekant. Die tempel het oos gekyk. Die water het regs van die tempel weggeloop, suid van die altaar verby.

Die man vat my toe by die noordpoort uit en om na die buitenste oospoort toe. Daar syfer die water toe regs langs die poort uit.

Die man het oos gestap en met die maatlyn wat hy by hom gehad het vyf honderd meter afgemeet van die oospoort af. Toe laat hy my deur die water loop. Dit was enkeldiep.

Hy het nog vyf honderd meter afgemeet en my deur die water laat loop. Dit was kniediep. Hy het nog vyf honderd meter afgemeet en my deur die water laat loop. Dit het tot by my heupe gekom.

Toe meet hy nog vyf honderd meter, maar toe was die water ‘n stroom waar ek nie kon deur nie. Die water was diep, sodat ‘n mens sou moes swem; dit was ‘n stroom waar ‘n mens nie deur kon loop nie.

Die man sê toe vir my: ‘Sien jy dit, mens?’ Hy laat my toe al langs die stroom terugstap.

Terwyl ek so terugstap, sien ek daar staan groot, hoë bome weerskante op die stroom se wal.

Die man het vir my gesê: ‘Hierdie water loop weg na die streek oos toe en af na die Jordaanvallei toe waar dit in die Dooie See sal inloop. Wanneer dit in die Dooie See inloop, sal die water van die Dooie See vars word.

Waar die stroom ook kom, sal dit wemel van al die soorte diere en sal daar baie vis wees. Die water loop af na die Dooie See toe en sal die see vars maak. Waar die stroom kom, sal alles lewe.

Daar sal vissers langs die Dooie See staan van En-Gedi af tot by En-Eglajim. Dit sal ‘n plek wees waar hulle nette droogmaak. Daar sal net soveel soorte vis wees as in die Groot See, en net so baie.

Net die water in die moerasse en kuile langs die Dooie See sal nie vars word nie. Hulle moet sout bly.

Weerskante op die wal van die stroom sal allerlei vrugtebome groei. Hulle blare sal nie verlep nie en hulle vrugte sal nie opraak nie. Hulle sal elke maand dra, want die stroom se water kom uit die heiligdom. Die vrugte sal daar wees om te eet en die blare om genesing te bring.”

Volgende keer vertel ek vir jou van ʼn ander prentjie van hierdie rivier in die Bybel.

Lees Hand. 2

Ek moet jou waarsku: Hierdie slukkie nuwe wyn gaan heelwaarskynlik ʼn hele klompie van julle laat stik!

Maar ek kan nie anders nie, as deel van die volledige boodskap oor die koms van die Koninkryk, moet ek ook hieroor praat!

Vriende, ek wil die stelling wat ek in die vorige gedeelte gemaak het, op elkeen van julle se tafel kom neersit om saam met my te toets in die lig van die Skrif en spesifiek in die lig van God se Koninkryk wat kom.

Hier is daardie stelling weer ʼn keer:

“Dit is geweldig belangrik om te verstaan dat wanneer die Koninkryk inbreek in hierdie wêreld van ons, een van die eerste en gevaarlikste magte wat opstaan, juis godsdienstige sisteme sal wees! Of dit nou die sisteme in Judaïsme is, soos die Sanhedrin, of fanatiese Moslems is wat Christene wat doodmaak, of selfs – hou vas jou stoel – kerksisteme soos sinodes en kerkleiers is, maak nie eintlik saak nie! Dit was so in die tyd van Jesus en dit was so in die tyd van die vroeë gemeentes!”

Besef jy dat dit juis die Joodse godsdienstige leiers was, wat die Skrifte van die Ou Testament geken het, wat Jesus teëgestaan het, en Hom uiteindelik doodgemaak het!

Na Jesus se Hemelvaart, het die vyand hierdie selfde groep en ander faksies uit die godsdienstige Joodse gemeenskap gebruik om die koms van die Koninkryk te probeer stuit, te vervolg en selfs dood te maak.

Totdat God self hulle vervolging gebruik het as ʼn duidelike aanduiding uit die hemel dat Sy mense, die Ekklesia, “uit haar uit moes kom”.

Ons sien dus letterlik twee scenario’s voor ons afspeel:

Aan die eenkant sien ons die profesie van Openbaring 12 afspeel, van die draak wat besig is om die vrou en “haar ander nakomelinge wat God gehoorsaam en aan die getuienis vashou wat Jesus gelewer het,” vervolg het.

“Hulle het self die oorwinning oor hom behaal danksy die bloed van die Lam en die boodskap waarvan hulle getuig het; en hulle het nie hulle lewens so lief gehad dat hulle onwillig was om vir Hom te sterwe nie.”

Aan die anderkant was God self besig om Sy Koninkryk te laat kom.

Kom ons gaan luister net weer wat God se Gees openbaar oor die tydperk tussen Jesus Christus se opstanding en Hemelvaart, en dan Sy wederkoms reg aan die einde.

1 Kor. 15:24 tot 28 sê gedurende hierdie tydperk gaan Jesus Christus, as die Koning…

• Elke mag, elke gesag en krag vernietig wat Hom nie ten volle erken as die Koning en Here nie

• En moet Hy as koning heers gedurende hierdie tyd totdat die Vader al sy vyande aan Hom onderwerp het.

Ek wil jou nou nie vermoei met ʼn stuk “kerkgeskiedenis” nie, maar as ons gaan kyk wat met en rondom die ware Ekklesia van Jesus gebeur het, veral sedert die tyd van Keiser Konstantyn, sien ons hoe die vyand reg gekry het om deur allerhande wette en kerklike besluite die Ekklesia te dwing om net in spesiaal-geboude geboue byeen te kom, en dan net alleenlik as “hulle gelei word” deur “spesiaal opgeleide geestelike leiers”.

Ek wil nie eers praat oor hoe mense deur die staat en “kerk” gedwing is om hulle baba-kinders te “besprinkel met water” (wat die “doop” genoem is) om so “deel te word van die kerk” nie.

Die “pous”-verskynsel is gebore, “ongehoorsame groepies gelowiges” wat nie presies in die spoor van “kerklike” besluite en “kerklike geloofbelydenisse” geloop het nie, is vervolg.

Uiteindelik het die vyand dit reggekry om mense in die “kerk” te gebruik om die Ekklesia stelselmatig te begin “stukkend sny” en te verdeel in allerlei kerksisteme en denominasies. Alles onder baie mooi voorwendsels en reg-klinkende kerklike besluite, “in diens van die waarheid”, of so is gesê.

Tussen dit alles deur, het die tragiese geskiedenis van die vervolging van die ware Ekklesia plaasgevind, weereens, alles “in diens van die waarheid”, of so is gesê.

Dink maar net aan die verskriklike vervolging van “die protesterende gelowiges” in tye van die Reformasie, maar miskien nog erger, die geweldige vervolging van gelowiges wat oortuig was dat die praktyk om babas te besprinkel met water, nie die Bybelse doop was of kan wees nie.

Dit bring ons tot vandag waar ons sit met, sê die mense wat sulke dinge tel, meer as 40000 (ja, veertig duisend!) sogenaamde “verskillende kerke en denominasies” oor die wêreld, waarin die een Liggaam van Jesus, tussen allerhande soorte “kerkmure en kerklike belydenisse” vasgevang sit, en van waar hulle ander gelowiges, wat ook deel is van die ware Ekklesia, beskou as “opposisie”, wat oorgehaal moet word om “by hulle spesifieke kerk” te kom aansluit, voordat hulle as lede van die “ware en regte kerk” gereken kan word!
Verstaan jy nou waarom ek oortuig is dat hierdie mensgemaakte kerksisteme se mure afgebreek moet word of selfs moet val waar die Koninkryk van God werklik kom!

Wat sê die Gees van God vir jou in die verband?

 

Lees Hand. 2

Ek wil jou vertel wat op Pinksterdag, 31 Mei 32n.C., in Jerusalem gebeur het.

Kom ek herinner jou net eers daaraan dat presies 50 dae gelede (dit is nie eers ʼn volle twee maande nie), het die Koning van alle konings, Jesus die Christus, opgestaan uit die dood en in hierdie selfde stad en omgewing Homself lewendig vertoon aan meer as 500 mense!

Dit was ook die tyd waarin duisende Joodse gelowiges uit alle oorde na Jerusalem gestroom het om daar te wees vir die viering van die groot Joodse feeste, die Paasfees, en dan ook die Pinksterfees.

31 Mei 32n.C. was juis daardie jaar die dag waarop die Pinksterfees gevier is in Jerusalem.

Jy ken die verhaal wat Hand. 2 vertel, van die geweldige geluid, soos van ʼn geweldige wind, wat feitelik almal in Jerusalem kon hoor. Maar dit was duidelik van een plek, een gebou, in die stad afkomstig.

Duisende nuuskieriges het daarheen begin stroom. Toe kry hulle daar die eienaardige gesig van 120 manne en vroue, met wie duidelik iets buitengewoon gebeur het.

Kan jy glo, die 120 mense op daardie plek, het in allerhande tale gepraat wat hulle nog nooit voorheen kon praat of aangeleer het nie!

En almal het oor Jesus, die gekruisigde, wat opgestaan het uit die dood, gepraat!

Dan vra-sê iemand sinies-sarkasties: Wat hier aan die gebeur is, is nie iets merkwaardig of wonderlik nie. Dit is bloot ʼn klomp mense (120 van hulle) wat sommer vroeg-oggend reeds dronk is!

Dan staan Petrus op, met die outoriteit as ambassadeur en getuie van die Koninkryk van God wat hier besig is om sigbaar te word, en sê: Nee, dit is nie waar nie! Wat hier aan die gebeur is, is dit wat God reeds lankal voorheen profeteer het deur die profeet Joël!

Jy weet wat die uiteinde van hierdie skermutseling was: Meer as 3000 mans (en heelwaarskynlik net soveel vroue en kinders ook) het daar tot bekering gekom en is gedoop op daardie selfde dag!

As jy al ooit gewonder het oor hoe dit lyk as die Koninkryk kom, dan het jy hier ʼn uitstekende prentjie daarvan!

Maar waar die Koninkryk besig is om deur te breek, moet ons nog skermutselings verwag, en dit is presies wat hierna in Jerusalem gebeur het.

Die volgende een gebeur sommer kort daarna, wanneer die Sanhedrin die Ekklesia, of nuwe familie van Jesus, daar in Jerusalem aanvat.

Dit is geweldig belangrik om te verstaan dat wanneer die Koninkryk inbreek in hierdie wêreld van ons, een van die eerste en gevaarlikste magte wat opstaan, juis godsdienstige sisteme sal wees!

Of dit nou die sisteme in Judaïsme is, soos die Sanhedrin, of fanatiese Moslems is wat Christene wil doodmaak, of selfs – hou vas jou stoel – kerksisteme soos sinodes en kerkleiers is, maak nie eintlik saak nie! Dit was so in die tyd van Jesus en dit was so in die tyd van die vroeë gemeentes!

Hand. 4

Gaan en lees nou self oor Hand. 4 se skermutseling sommer daar in jou eie Bybel.

Dan gaan jy verstaan waarom daar kort daarna ʼn punt sou kom waar die paaie tussen die Ekklesia en hierdie godsdienstige sisteme moes skei.

Sien, of hulle gaan jou, en die familie van Jesus, daar uitjaag, of jy gaan hoor hoe die Gees vir jou sê: Kom uit haar uit!

Lees asseblief Lukas 9:1-2 en hoofstuk 10:1-20

In Lukas 9:1 en 2 lees ons:

“Jesus het die twaalf bymekaargeroep en aan hulle mag en gesag gegee om alle bose geeste uit te dryf en siektes te genees.”

Kom ek probeer kortliks die verskil tussen Bybelse krag en Bybelse outoriteit verduidelik.

Ons sien hierdie Bybelse krag aan die werk daar waar die Here ons gebruik om mense met die gawes van die Gees, en spesifiek deur gawes soos genesing en bonatuurlike wonders bedien.

Bybelse outoriteit gaan daaroor dat die lewende God self sal sorg dat dit wat Hy ons beveel om in Sy Naam te doen, sal gebeur.

Daar waar Hy ons opdrag gee om vir iemand wat dood is, opdrag te gee om op te staan uit die dood, en ons dit in gehoorsaamheid doen, sorg Hy dat dit gebeur!

Of daar waar ons totaal aan Koning Jesus onderwerp het (soos Jakobus 4:7 ons opdrag gee om te doen), en ons daar waar ons bewus raak van demoniese magte wat aan die werk is in situasies of in mense se lewe, ons die vyand teëstaan en opdrag gee om pad te gee, moet hy padgee!

Met dit in gedagte, kom ons luister dan na die volgende Skrifgedeeltes:

Luk. 9:1,2

“Jesus het die twaalf bymekaargeroep en aan hulle mag en gesag gegee om alle bose geeste uit te dryf en siektes te genees.

Toe het Hy hulle uitgestuur om die koninkryk van God te verkondig en die siekes gesond te maak.”

In vers 1 het die NAV die woord “mag” gebruik om die Bybelse krag-dimensie mee te vertaal en die woord “gesag” om die outoriteit waarin ons as volgelinge van Jesus staan, te vertaal.

Matt. 16:18,19

“En Ek sê vir jou: Jy is Petrus, en op hierdie rots sal Ek my kerk bou, en die magte van die doderyk sal dit nie oorweldig nie.

Ek sal aan jou die sleutels van die koninkryk van die hemel gee, en wat jy op die aarde toesluit, sal in die hemel toegesluit bly; en wat jy op die aarde oopsluit, sal in die hemel oopgesluit bly.”

In hierdie verse sien ons hoe die “ekklesia” of ware Kerk van Jesus, selfs daar in die poorte van Hades, of die Hel, waar satan en sy demoniese magte tot nou toe die oorhand gehad het, sal moet padgee en oorgee as ons daar in stap en begin optree met die outoriteit van Koning Jesus, deur te doen wat Hy ons beveel het.

Dit is daar waar ons gaan ontdek dat Koning Jesus werklik vir ons “sleutels” of krag gegee het wat in die sigbare realiteit hier op aarde, of in die geestelike realm (die hemel), dinge laat gebeur.

Sê vir my, hoe bewus is jy van jou bonatuurlike “wapens” (of daardie “krag”-dimensie) wat jy deur die werking van die Gees tot jou beskikking het?

Besef jy dat jy in God se weermag ʼn geestelike “rang-teken” (soos in die weermag of die polisie) op jou skouers het, wat vir jou geestelike outoriteit gee om in Jesus se Naam vir die vyand te sê om pad te gee, en dan moet hy!

Volgende keer gaan ek vir jou ʼn paar voorbeelde hiervan uit ʼn verhaal daar in Handelinge wys.

Lees Eseg. 36:22 – 28

“Daarom, sê vir Israel: “So sê die Here my God: Dit is nie ter wille van julle dat Ek optree nie, Israel, maar ter wille van my heilige Naam wat deur julle oneer aangedoen is onder die nasies waar julle gekom het.

Ek sal die heiligheid van my groot Naam laat blyk wat onder die nasies in oneer gekom het. Julle het my Naam oneer aangedoen onder die nasies.

Wanneer Ek my heiligheid laat blyk in wat Ek met julle doen voor die oë van die nasies, sal hulle besef dat Ek die Here is," sê die Here my God.

Ek sal julle tussen die nasies uit wegvat, julle uit al die lande bymekaarmaak en julle na julle land toe bring.

Ek sal reinigingswater oor julle uitgooi sodat julle rein kan word. Ek sal julle reinig van al julle onreinheid en van al julle afgodery.

Ek sal julle 'n nuwe hart en 'n nuwe gees gee, Ek sal die kliphart uit julle liggaam uithaal en julle 'n hart van vleis gee.

Ek sal my Gees in julle gee en Ek sal maak dat julle volgens my voorskrifte leef en my bepalings gehoorsaam en nakom.

Julle sal in die land woon wat Ek aan julle voorvaders gegee het, julle sal my volk wees en Ek sal julle God wees. “

Ek beleef die Enigste Ware God en Koning sê:

Ek begeer heiligheid! Ek haat sonde!

Ek begeer heiligheid! Ek haat sonde! Ek haat dit dat julle jul hoop en vertroue plaas op enigiets en enigiemand anders as net van My. Of dit nou geld is, of julle eie planne is.

In die afgelope 8 maande, het Ek, julle Here, wat daar in Rom. 8:28 aan My kinders beloof het dat Ek, vir diegene wat Ek liefhet, alles ten goede sal gebruik, selfs ʼn wêreldwye “lockdown” midde ʼn wêreldwye pandemie gebruik om met My kinders te praat en hulle te reinig!

Ek het hulle geleentheid gegee om weer te fokus op wat prioriteit in hulle lewens behoort te wees.

Ja, hoe belangrik en kosbaar lewe en gesondheid is.

Ek het hulle weer geleer dat die lewe oor verhoudinge gaan, en dat hulle moet tyd maak vir hulle gesinne en families.

Ek het My kinders geleer dat Ek en Ek alleen julle Versorger en Voorsiener is.
Ek het julle weer gefokus op die koms van My Koninkryk.

Die boodskap oor die Koninkryk sny soos ʼn mes gees en vlees, en maak skeiding tussen gees en siel.

Hierdie boodskap oor die Koninkryk laat julle weer kies wie werklik julle God is en wie dien julle werklik?

Daarom is Ek selfs besig om dit wat baie van julle “kerk” noem, “toe te maak”.

Onthou wat Ek vir julle gesê het oor waarmee Ek besig is: Dat deel van My Koninkryk wat hier op aarde kom, elke knie sal buig en elke tong sal bely dat Ek alleen die Here is.

Daarom sal Ek met My eie hande die deure toe maak van plekke wat sê Ek is daar die Koning en Here, maar tog is My Woord nie die Finale Toets vir waarheid en vir wat daar gedoen en gesê word nie.

Daarom is Ek besig om julle te leer wat die betekenis is van ware Bybelse Ekklesia, en wat nodig is sodat dit kan wees en werk soos Ek dit oorspronklik bedoel het.

Julle is besig om te leer dat spesiaal geboude geboue nie daarvoor nodig is nie.

En ook dat Bybelse Ekklesia nie orkeste en Hillsong-liedere nodig het om werklik te kan “worship” nie.

Ja, dit is Ek wat “kerke’ toe maak en duisende van My mense laat kies om uit te stap en weg te stap van die plekke wat hulle vir jare “hulle kerk” genoem het. Ek het hulle oortuig het dat My Evangelie, My Woord, My Waarheid, nie meer daar bedien word nie en dat Ek nie daar meer God en Here is nie!

Ja, Ek is ʼn liefdevolle, goeie God en Here, maar Ek is ook die Een wat hulle wat lou of koud geword het, uit My mond gaan spoeg!

Dit is My stem wat julle gehoor het wat aan julle gesê het: Gaan uit haar uit!
Moenie langer ongehoorsaam wees nie! Moenie teruggaan en probeer kompromie sluit nie!

Nuwe wyn het nuwe wynsakke nodig, anders gaan dit die ou wynsakke laat bars en dan gaan die nuwe wyn en die sakke verlore!

Laat My toe om julle te verander deur julle totaal, geheel en al, te oortuig van wat My hart, My gedagtes, My planne, My wil, My Woord en My Waarheid is.

Laat My toe om julle te deursoek en te reinig van alles wat nie van My af is nie!

Laat My toe om julle weer passievol te maak oor die dinge waaroor Ek passievol is!

Laat My toe om My hart en My Gees op die troon in julle lewe te plaas!

Voor My sal elke knie buig en elke tong sal bely dat Ek die Koning en Here is!

Ek hoor hoe die Here vra: Glo julle dat Ek nogsteeds alles kan voorsien wat julle nodig het? Selfs wanneer die wêreld rondom julle dit vir julle onmoontlik maak om soos normaalweg te werk, of besigheid te doen, om elke maand genoeg te kan hê? Glo julle dat Ek steeds julle Totale Voorsiener ook dan is?

My geliefdes, natuurlik het Ek oorspronklik bedoel dat julle moet werk om te kan eet en om vir julle geliefdes te kan sorg. Om te kan werk, is deel van My opdrag en genadegeskenk aan julle!

Net so is totale voorsiening deel van My beloftes aan julle as My kinders!

Verstaan julle nie, Ek voorsien nie omdat julle hard genoeg werk nie. Ek voorsien omdat julle gehoorsaam is.

Julle doen wat Ek vir julle sê om te doen en Ek voorsien in wat julle nodig het.
As Ek sê julle moet stil raak en rus, en as julle gehoorsaam is, voorsien Ek ook in daardie tyd alles.

En as Ek dan weer vir julle opdrag gee om iets te gaan doen, om te gaan werk, voorsien Ek omdat julle gehoorsaam was.

Maar as julle dink dat hoe harder julle werk, hoe groter sal die voorsiening wees, het julle, en julle werk, eintlik julle god en julle versorger in julle harte en gedagtes geword!

Terwyl net Ek, ja, net Ek alleen, julle Totale Voorsiener en Totale Versorger kan wees.

Ek is dit, of Ek is nie werklik julle Totale Voorsiener en Totale Versorger nie!

Ondersoek julle harte of julle nie maar weer slawe geword nie! Ja, slawe van julle werk, julle besighede, julle boerdery, julle eie planne en eie-ek!

Verstaan julle nie dat julle dan maar net weer vir julle net nog ʼn afgod geskep het nie! Wat julle eintlik meer vertrou as wat julle My werklik vertrou!

Matt. 11:28,29

“Kom na My toe, almal wat uitgeput en oorlaai is, en Ek sal julle rus gee.

Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed.”

Kom tot rus en leer om weer My volkome te vertrou en My volkome te gehoorsaam!

Kies weer in geloof om My en net vir My ten volle te vertrou vir volkome versorging in julle lewens!

As jy weer leer om My totaal te vertrou… en om totaal op My te fokus, sal Ek julle van oomblik tot oomblik lei en versorg!

Ps. 37:22-24

“Dié wat deur die Here geseën word, sal die land besit; maar dié wat deur Hom vervloek is, sal uitgeroei word.

Die Here bepaal die koers van die mens met wie se pad Hy tevrede is, en Hy ondersteun hom.

As so iemand val, bly hy nie lê nie, want die Here help hom op. “

Soek My, soek My wil, soek My Koninkryk!

Soek dit, fokus daarop!

Jy is Myne. Jy is My kind en Ek is lief vir jou.

Ek het jou versorg en gelei tot hier. Waarom sou Ek dan nie ook nou getrou wees aan My beloftes aan jou nie!

Laat My toe om jou te her-kalibreer! Om jou hart, jou gedagtes, begeertes en waardes te her-kalibreer!

Laat My toe om julle opnuut te leer wat My wil en My hart vir julle is.

Bo alles, kom terug na My toe!

Laat My toe om julle Geneesheer, Voorsiener en Vriend te wees.

Laat My toe om julle Here en julle Koning te wees.

Soek My Koninkryk en My wil, en beleef hoe daar elke dag van alles genoeg sal wees!

ʼn Profetiese woord aan God se kinders vir 2021 en verder – Deel 2

1 Tess. 5:19-24

Onthou altyd 1 Tess. 5:19 tot 24 as jy met profesie te make kry (en ek haal aan uit die Afrikaanse Direkte Vertaling uit die Grieks:

“Moenie die Gees blus nie.

Moenie profesieë verag nie, maar toets alles; behoud die goeie; onthou julle van elke vorm van boosheid.

En mag die God van vrede self julle heeltemal heilig, en mag julle in gees en siel en liggaam in alle opsigte onberispelik bewaar word me die koms van ons Here Jesus Christus.

Hy wat julle roep, is getrou; Hy sal dit ook doen!”

1 Kor. 14:3

En onthou ook die bedoeling van profesie (waarom God op die manier met ons praat as Sy kinders), soos wat Hy dit daar in 1 Kor. 14:3 vir ons uitspel:

“Maar die een wat profeteer, praat met mense woorde van opbou, bemoediging en troos.”

Jes. 40:28-31

Teen hierdie agtergrond, hier is wat ek gehoor het die Here sê:

“Die Here is die ewige God, Skepper van die hele aarde. Hy word nie moeg nie, Hy raak nie afgemat nie en sy insig is ondeurgrondelik.

Hy gee die vermoeides krag, Hy versterk dié wat nie meer kan nie.

Selfs jongmanne word moeg en raak afgemat, selfs manne in hulle fleur struikel en val, maar dié wat op die Here vertrou, kry nuwe krag. Hulle vlieg met arendsvlerke, hulle hardloop en word nie moeg nie, hulle loop en raak nie afgemat nie.”

In die lig van die traumatiese gebeure van 2020, sien ek hoe baie van ons verwese en uitgeput na hierdie jaar êrens “onder ons besembos” (ala 1 Kon. 19) lê.

Ja, ek weet jy dink dit is nie jy nie. Jy is oortuig jy is “te gelowig” daarvoor.

Hier tussen ons, in die teenwoordigheid van ʼn lewende God wat alles immers weet en wat presies weet wat in jou hart en gedagtes die afgelope maande aangegaan het, hier, kan jy ontspan en hier kan jy maar eerlik wees!

Hier in God se teenwoordigheid, is daar geen veroordeling nie! Hier is ʼn sagte, veilige plek waar jy sommer net kan kom ontspan. Hier hoef jy nie sterk te probeer wees nie. Kom, sit hier, as’t ware in God se “nes” vir jou en laat toe dat Hy deur Sy Gees jou bedien en versorg.

Rom. 12:2

“En moenie gelykvormig word aan hierdie wêreld nie (C.A Nel: Met ander woorde, moenie soos hulle dink, praat en doen nie!), maar word omvorm deur die vernuwing van julle denke met die oog daarop dat julle kan onderskein wat die wil van God is – sy goeie en welgevallige en volmaakte wil.”

Kom ek vertel jou wat die Here my die afgelope twee jaar uit die neurologie geleer het oor die inhoud van hierdie vers.

Ek het ontdek dat die woord in die Grieks wat ons in Afrikaans met “gedagtes” vertaal het, eintlik verwys na ons “hele brein”.

Ek wil jou nie verveel met onnodige detail nie, maar vir die profetiese woord waarmee God jou wil bemoedig, is dit lewensbelangrik om te weet hoe God ons brein aanmekaargesit het.

Ons brein bestaan mos uit hierdie drie dele:

1. Die neo-korteks of frontale lob, heelbo, wat taal verstaan en kan analiseer en kreatief kan wees. Die meeste van ons het al die jare gedink dit is al waaruit ons brein bestaan, maar dit is bloot twintig persent van ons brein. Dit is met hierdie deel van ons brein waarmee ons in Afrikaans of Engels of Zulu kan praat, en waarvoor ons Bybeltekse kan aanhaal, want hierdie deel van die brein verstaan “hierdie taal”.

1. Die neo-korteks of frontale lob, heelbo, wat taal verstaan en kan analiseer en kreatief kan wees. Die meeste van ons het al die jare gedink dit is al waaruit ons brein bestaan, maar dit is bloot twintig persent van ons brein. Dit is met hierdie deel van ons brein waarmee ons in Afrikaans of Engels of Zulu kan praat, en waarvoor ons Bybeltekse kan aanhaal, want hierdie deel van die brein verstaan “hierdie taal”.

Die twee ander dele van ons brein verstaan egter glad nie daardie taal nie!

2 en 3. God het twee dele van ons brein fantasties aanmekaargesit wat heeltemal ʼn ander taal praat. Dit is ook daardie twee dele van die brein wat die taal van liefde verstaan; wat God se teenwoordigheid kan ervaar en Sy stem “kan hoor” as jou gewone ore dit nie kan hoor nie. Maar dit is ook daardie twee dele van jou brein waar “emosies”, soos vrede en vrees, ervaar word. En waar jou waardes en wat jy werklik glo, gebêre word. Dit is ook daar waar trauma en seer gebeure van die verlede, wat jy nog nie mooi verwerk het nie, in stukke rondlê.

Ek het die afgelope jaar beleef hoe die Here sê: Kyk rondom jou rond en sien hoe stukkend en seer My kinders is, want julle verstaan nie mooi dat My woord en uitnodiging in Romeine 12:2 ook is dat julle My moet toelaat om ook hierdie twee dele van die brein te bedien sodat julle werklik diepliggend kan verander en kan heel word nie.

2 Tim. 1:7

“Want God het nie aan ons ʼn gees van lafhartigheid (of vrees) gegee nie, maar van krag en liefde en selfbeheersing.” (C A Nel - “Selfbeheersing”, soos in “self-dissipline onder die beheer van die Gees”).

Daardie seer en traumatiese gebeure wat in stukke lê êrens in ons brein, wat ons nog nie regtig verwerk en mee klaar gemaak het nie, is juis die “openinge” waar die vyand inkom en waaraan hy ons kom herinner as sekere dinge gebeur met of rondom ons, of as ons sekere dinge hoor of ervaar.

Dit is asof dit snellers of skakelaars word, wat aangeskakel word wat maak dat ons, wat gewoonlik rustig en kalm is en baie vrede het, skielik angstig raak en onverwags vrees en ongeloof belewe.

Hoor dus hoe God se Gees met jou hieroor praat!

Hoor hoe Hy jou herinner aan al daardie tye in die verlede wat jy so bewus was van God se teenwoordigheid, liefde, goedheid, getrouheid, veranderende krag en werking in jou lewe!

Wees oop en laat toe dat God se Gees jou kan herinner aan soveel beloftes en woord wat jy self uit God se mond gehoor het!

Laat toe dat dit jou vul met krag en net weer jou anker word en hawe word waar jy veilig kan vasmeer terwyl die golwe van die lewe, van gister en eergister, verwoed daarbuite aangaan en alles wil vernietig en breek.

Sit terug, lê as’t ware terug, in God se arms en laat toe dat Hy jou toevou met Sy liefde.

Luister fyn, kyk met die oë van jou gees, of jy nie dalk Sy sagte stem kan hoor fluister en Sy liefdesblik kan gewaar nie!

Laat toe dat Hy jou bewus kan maak van leuens van die vyand wat jy begin glo het.

Laat toe dat Hy deur Sy Gees vir jou kan wys waar die vyand met jou kop begin smokkel het!

In die verband, sê die Here: Ja, soms kos dit selfdissipline, vroeg opstaan elke oggend, voor enigiemand anders op is, om tyd te maak om stil te kom sit met My Woord, die Bybel, in jou hande, wat jy saggies vir jouself hardop moet lees, terwyl jy tyd het om mooi te luister of jy nie dalk My stem hoor nie!

Ja, dit kos self-dissipline om vroeër in die aand te gaan slaap, sodat jy vars vroeg in die oggend kan opstaan!

Ja, dit kos selfdissipline om daardie dinge wat jy eet en drink, wat jou angstig kan maak en kan opwerk, wat nie goed is vir die res van jou liggaam en vir jou gesondheid nie, uit te los en vir altyd te vermy!

Soms kos dit selfdissipline om tyd te maak om sommer net drie tot vyf keer ʼn week te gaan stap vir 30 minute. Want, sê die Here, Ek het jou brein so wonderlik aanmekaar gesit dat wanneer jy stap, kan daardie brein dinge prosesseer wat nog nie mooi verwerk is nie.

Ja, dit kos selfdissipline om tyd te maak om gereeld tyd saam deur te bring met ander van My kinders, met My Ekklesia!

Sorg dat jou deure en vensters oop is vir wanneer Ek een van hulle wil gebruik om jou te bedien!

Jy het tyd met hulle nodig, want Ek gebruik hulle en My bediening deur die gawes van die Gees deur hulle, om jou te bedien en om jou te verander en te genees!

Verstaan jy dan nog nie dat jy nie werklik kan verander op jou eie nie! Ja, dat Ek jou nie werklik kan verander nie as jy nie tyd maak om saam met een of twee of drie ander van My kinders gereeld tyd spandeer nie! Ek het dit mos vir jou gesê daar in Heb. 10:24 en 25.

Thursday, 07 January 2021 14:47

'n Profetiese woord vir 2021 - Deel 1

ONS EERSTE NUUSBRIEFIE VIR 2021!

Soos belowe, wil ek graag met jou die eerste deel van die profetiese woord vir 2021 deel vandag.

Maar hierdie Profetiese woord kom vandag in twee vorms in gehoorsaamheid omdat die Here gesê het dit is hoe ek dit moet doen hierdie keer.

Daarom stuur ek vir jou dit as 'n YOUTUBE-video, in Afrikaans.

Hier is die skakel daarvan:

 

My Afrikaanse profetiese woord vir 2021 - Deel 1

 

En dan moet ek, om die een of ander rede, dit ook in Engels hieronder vir jou gee.

Daarom. moet nie skrik nie, almal van ons kan tog Engels verstaan!

En deel dit ook met diegene wat nie Afrikaans kan verstaan nie!

 

En hier is die woord in Engels:

 

You are sent to be the answer!

A prophetic message for 2021

10 January 2020
Dr Christo Nel

Go and read the relevant Scriptures and hear what God is telling you in His Word Himself: In Isaiah 60 and 61, and from The Book of Revelation, Chapter 19.

We are in the midst of a time of darkness and under attack! Because of that, even though we are believers, many of us are experiencing doubt, fear and anxiety. We are wondering if the promises of God are really true. And wondering when the promises of God will become true for us in our lives.
But the other side of this same time is that many are experiencing in the midst of all of this, an encounter with a Living God!

God opened my eyes to see into what is really happening in the supernatural, in the unseen second heaven.

And I saw demonic powers attacking God’s people, speaking half-truths to them, and because of that, many are consumed by fear.

The tragedy was that most were totally unaware of it.

It made me sick to my stomach to see so many tired and weary of all the fighting just to survive from day to day.

God showed me the truth in all of this. That this was an attack of the enemy on God’s Bride to make them focus on survival or to make them fearful.

God showed me that what the people of God were thinking and believing about what is going on around them was not the truth!

Then God took me to the Book of Revelation, chapter 19.

I saw the Spirit of God that raised Christ form the grave. And I saw the One on the White Horse, the General of generals, in front and in charge of an army of millions of mighty warriors, of whom you and I are part of.

The One in charge’s Name is Faithfulness and Truth! And the Sword of the Word comes from His mouth.

He is the King of kings and the Lord of lords.

Please read Rev. 19:11-18.

He is the Real Commander and One in charge! He is the Commander of the Heavenly Armies.

All of this is happening in the midst of the darkness all of us could see and experience all around us. In the midst of what people call an economic depression!

But, when God showed all of this to me, He said:

“Arise, shine; For your light has come! And the glory of the LORD is risen upon you.

For behold, the darkness shall cover the earth, And deep darkness the people; But the LORD will arise over you, And His glory will be seen upon you.

The Gentiles shall come to your light, And kings to the brightness of your rising.” (Isaiah 60:1-3)

The Evangelist, John, called Jesus the Light of the World! In the midst of darkness that was all over the world.

Jesus is still the Light of the world! Yes, even in our world today where people are freaking out and are looking for answers.

In the light of His Light, I saw what the truth was really and how much of what we saw with our eyes, and hear with our ears, and can understand with our minds, was nothing but lies!

In fact, the heart and reason for all of this darkness was that so much of it were lies! Lies upon lies, upon lies!

In the midst of all of the restrictions people were experiencing all across the world at this moment, in what is called a worldwide pandemic, people are going in their billions online seeking for truth!

Then I heard the Lord saying:

"Lift up your eyes all around, and see: They all gather together, they come to you; Your sons shall come from afar, And your daughters shall be nursed at [your] side.

Then you shall see and become radiant, And your heart shall swell with joy; Because the abundance of the sea shall be turned to you, The wealth of the Gentiles shall come to you.” (Isaiah 60:4,5)

Yes, you heard correctly! People of all of the nations will come to you, to My People!

But, why…?

Because you have the answers! I’ve already given you, My People, the answers! Because you have discovered Me, Jesus the Christ, as the Answer, I can use you to give answers to a seeking world!

Therefore, listen, people of God, God has given us a way! He showed us how people can prosper in the midst of all of this!

When everybody around us is scaling down, in businesses and on their farms, we will be booming because we are following the strategies God gave us!

People will be proclaiming the praises of God because He brought them the light!

The people of God are starting to understand the promise of Romans 8:28, that our God is using those times we feel and experience that everything we have and where we are, is a purifying fire! Yes, that our God is using every setback, every failure, for our good!

And all of this because God wants to use us after all of this!

People of God, listen, please, this is a time for us to raise into our new positions and callings.

But we will only be able to do what we need to do when we believe what God is showing us supernaturally.

That the One who is leading us in the midst of all of this darkness, is the One who know what is really happening, because He is the One totally in charge! He is the One in charge of the Plan behind all of what is happening!

He is the King of all the kings and every knee will eventually bow before Him. His Kingdom is coming here, on earth! And He wants to use you as an ambassador, as a testimony, of all of this!

He wants to use you, His People, to give a world seeking for truth, seeking for answers, the answers to all their questions.

Of course, it is never because of who you are. No, because when you yourself were dying, when you didn’t have the answers to all the challenges in your own life, you experienced that God’s grace was enough, is enough, will be enough also for tomorrow!

Maybe, some of you are listening to all of this, and are wondering if this can also be true for you, for the challenges and the realities you are facing now, today!

Because you have been listening to the sounds of the enemy, and to the lies they are telling, you have lost your peace!

If so, hear the Word of God telling you, in Romans 12:2:

“And do not be conformed to this world, but be transformed by the renewing of your mind, that you may prove what [is] that good and acceptable and perfect will of God.”

Let God convince you again of what is really true about you and your life!

As the people of God, we have everything we need ourselves, and everything the world around us is needing!

So, take back your peace again!

Now is not a time to fear or acting out of fear! Don’t do anything out of a spirit of fear!
Hear the Word of God telling you, “Arise, shine; For your light has come! And the glory of the LORD is risen upon you.”

Action is what is needed now!

If you need to start with repenting, repent of your unbelief and doubt! Repent of worrying!

Yes, start taking action in your finances.

As in Genesis 26, while everybody around you are experiencing and believing it is a famine in the land, if you press in, God will appear to you and give you strategies against what your mind will be telling you!

So, please, don’t go to where you think the answers is.

No, rather, go to the land that God is showing you, to what everybody is describing as the land of famine!

In a time when nobody is sowing, like Isaac, be sowing and you will be blessed a hundred-fold!

But for that, don’t listen to the lies and to the answers of the world to the challenges we are facing!

No, rather be doing and believe what God is telling us!

While everybody around you is talking about things like COVID-19, know that COVID-19 is not a patch for the Lord you are following and listening to!

In a time when the world is making us, as followers of Christ, the laughingstock of the world, God is telling you, we are the answer to the world, to all the questions and challenges the world are facing. Be it the challenges we are facing in health care, or in education, or in the economy.

God wants to pour out His glory on us!

Most of us know what we have to do, but we don’t know how.

While God wants to demonstrate His Shalom through us!

He wants to use your knowledge, your experiences, as some of the answers to a world seeking for answers!

He wants some of you to start writing books, e-books, and e-courses, and flood AMAZON with them!

He wants to use you as a coach and as a mentor, to help people find the way.

Please, don’t go to Egypt!

Rather, start sowing in the midst of what everybody thought, was a famine!

Sunday, 06 December 2020 10:17

Oor die krag-dimensie van die Koninkryk

Oor die krag-dimensie van die Koninkryk

Lees asseblief Lukas 9:1-2 en hoofstuk 10:1-20

Hoe meer ek kyk na hoe Jesus Sy dissipels geleer het om dit te doen, en hoe dit daarom gedoen is in die vroeg-Christelike gemeentes, soos Handelinge ons vertel, hoe meer besef ek hoe noodsaaklik die Heilige Gees en die bediening deur Sy gawes is daar waar ons begin getuig oor die Goeie Nuus van die koms van die Koninkryk.

Kyk maar net hoe Jesus dit gedoen het. Soos bv., daar in Lukas 9 en 10, toe Hy Sy dissipels uitgestuur het.

In Lukas 9:1 en 2 lees ons:

“Jesus het die twaalf bymekaargeroep en aan hulle mag en gesag gegee om alle bose geeste uit te dryf en siektes te genees.

Toe het Hy hulle uitgestuur om die koninkryk van God te verkondig en die siekes gesond te maak.”

Wanneer laas het julle in julle gemeente of geloofsgroep, mekaar opnuut hande opgelê, vir mekaar gebid dat Jesus, as die Doper met die Gees, aan julle vir die eerste keer of opnuut, die mag en gesag sal gee om alle bose geeste uit te dryf en om siekes te genees”, en toe mekaar uitgestuur “om die Koninkryk van God te gaan verkondig en om siekes gesond te maak”?

Is jy elke dag gereed en toegerus om in jou handel en wandel, waar ook al die Heilige Gees jou bewus maak van nood van die een of ander aard, dit te bedien met die gawes en die krag van die Heilige Gees?

Kom ek vertel vir jou ietsie verder oor hierdie uitdrukking wat ons in hierdie verse van lees, naamlik dat Jesus Sy dissipels uitgestuur het met die mag en gesag om alle bose geeste uit te dryf en siektes te genees.

Ek weet nie of jy weet nie, maar in die vroeg-Christelike gemeentes, in die eerste drie eeue, was dit glad nie ʼn vreemde verskynsel dat daar, by die doop van nuwe bekeerlinge, ook terselfdertyd, gewoonlik daar in die water van die doopbad, wanneer hulle gedoop word met water, of hande opgelê word terwyl daar gebid word vir die doping met die Heilige Gees, bevryding van demoniese magte wat steeds ʼn houvas in daardie mens se lewe gehad het, ook plaasgevind het!

Luister net na Paulus, daar in Hand. 26, van vers 16 af, as hy vertel van hoe Jesus aan hom verskyn het daar op die Damaskus-pad en daarna:

“Ek het aan jou verskyn om jou as my dienaar aan te stel. Jy moet getuie wees van wat jy van My gesien het en van wat Ek jou nog sal laat sien.

Ek sal jou beskerm teen die volk Israel en teen die heiden nasies na wie toe Ek jou stuur.

Jy moet hulle oë oopmaak sodat hulle hulle van die duisternis tot die lig en van die mag van die Satan tot God kan bekeer.

Deur in My te glo, sal hulle sondes vergewe word en sal hulle deel word van die volk van God.”

Vriende, vir Jesus om Koning te word in ʼn mens se lewe, moet hulle geestelike oë oopgaan sodat hulle Hom kan herken as die Verlosser en nuwe Koning!

Maar hulle moet ook bevry word uit die houvas van die demoniese magte wat hulle tot nou toe gevange gehou het in ʼn baie donker tronk!

Ja, hulle moet bevry word uit die mag en hande van Satan as deel van hulle aanvanklike bekering daar in die begin!

O, hoeveel ellende, pyn, seer en hartseer, sou goeie gelowige kinders van Jesus nie gespaar gewees het as die gelowiges om hulle, daar in die begin, hulle Bybels bedien het met die gawes en krag van die Heilige Gees nie!

Dan praat ek nie eers oor die voorreg om onder die leiding van die Heilige Gees, maar net ʼn tuinslang te wees waardeur Hy, as God, self deur die gawes van genesing, mense wat siek is na gees, siel en liggaam, bedien nie!

Lees asseblief Joh. 1

Hoor jy, dit is wat mense, ongelowiges, gelowiges en diegene wat as deel van God se volk gereken is maar wat steeds aanhou sondig het, beleef het!

Almal van hulle, in al drie die groepe mense het beleef hoe dieselfde Jesus wat genade aan mense aangebied en bedien het, ook waarheid aan almal van hulle bedien het!

Die genade-kant verstaan almal en is vir almal aanvaarbaar, maar die oomblik wanneer ons oor die waarheid-kant begin praat, wat praat oor God se geregtigheid, oordeel en ja, die werklikheid van die hel, raak mense kriewelrig.

Maar, verstaan jy dan nie dit mooi nie?

Verstaan jy dan nie dat die God van die Bybel 'n heilige God is wat sonde haat, ja, haat, en dit nie voor Sy oë kan verdra nie!

Daarom moet Hy sonde straf.

Die enigste behoorlike straf vir sonde is die dood, soos die ewige dood, die hel. (Rom. 6:23; 2 Tess. 1:6-9; Op. 20:11-15)

Natuurlik is Hy ook 'n genadige, liefdevolle God. Wat elke mens, o, tog so liefhet! Hy wil nie dat enige mens verlore sal gaan nie, maar eerder dat elkeen gered sal word.

Dit is waarom Hy, reeds voor die grondlegging van die wêreld, die koms van Sy Seun, Sy vernederende menswording, Sy lyding Sy hele lewe lank, Sy kruisiging en verskriklike dood aan 'n kruis soos die ergste van misdadigers en dit terwyl Hy onskuldig was, en Sy helse smarte, alles, alles, reeds beplan het as deel van Sy versoenings- en herskeppingsplan.

Daarom moes Jesus, die Christus, ook hel toe gaan om ook daar die verlossings- en herskeppingsplan aan te kondig, maar om ook God se finale oordeelplan en oorwinning oor alle magte wat teen God in opstand gekom het, aan te kondig as die nuwe Koning van die nuwe Koninkryk wat nou ook hier op aarde aangebreek het.

Daarom moet hierdie boodskap deur my en jou verkondig word, naamlik dat Jesus die Here en Koning is van hierdie Koninkryk, wat nou ook hier op aarde aangebreek het.

Daarom moet elke knie buig en sal elke tong uiteindelik, selfs teen wil en dank, bely dat Jesus die Here is.

Daarom moet genade en waarheid aan al drie die groep mense oor wie ons die afgelope 3 kere gepraat het, bedien word soos Jesus mense bedien het terwyl Hy op aarde was.

Daarom moet die Evangelieboodskap oor God se genade-aanbod in Christus Jesus aan elke mens verkondig word.

Daarom moet ons wat aangeraak en verander is deur die verlossing in Jesus, en wat die Lewe en dit in oorvloed waarvoor Hy gekom het, geproe het, getuies daarvan wees in die hele wêreld, sodat elkeen die Goeie Nuus sal hoor oor Sy koms, Sy kruisiging, dood en opstanding.

Daarom moet, as deel van hierdie Evangelieboodskap, ook die waarheid van die noodsaak van bekering en wedergeboorte verkondig word.

Daarom moet daar aan elke mens gesê word: Bekeer jou van jou rebelsheid! Jy is totale verlore, onder God se oordeel en op pad hel toe!

Daarom moet daar ook vir die nuwe bekeerlinge geleentheid wees vir sondebelydenis en selfs vir bevryding by die bekering en doop in water, as deel van die normale Bybelse geboorte van elke nuwe lid van die ekklesia. Daarom ook het Jesus aan die prostituut van Joh 8 gesê: Ek veroordeel jou ook nie, maar gaan nou en sondig nie meer nie!

Net so, as deel van die normale bediening aan elke nuwe bekeerling, moet as deel van normale dissipelskap, aangedring word op heiligmaking en 'n aflê van die ou manier van lewe en ou sondige lewe.

Ons God en Vader haat immers sonde en kan dit nie voor Sy oë verdra nie. Veral nie in die lewe van Sy kinders nie. Dit is waarom Jesus aan 'n Petrus gesê het: Gaan weg agter My, Satan! Dit is ook waarom, as deel van die genade en waarheid waarmee Jesus mense bedien het, Jesus ook aan dieselfde Petrus gesê het dat hy Hom 3 maal gaan verloën, maar ook dat Hy vir Petrus se bekering gaan bid en dat hy daarna sal opstaan om sy plek in te neem as leier onder die dissipels.

Dit is ook waarom Jesus so vel in Sy bediening van genade en waarheid was teenoor die sogenaamde geestelike leiers, die Fariseers en Saduseers.

Uit hulle optrede en leringe het dit duidelik geblyk dat hulle nie werklik God se genade en waarheid verstaan en geproe het nie.

Daarom ook die opdrag aan die ekklesia om met strengheid en "tough love" elkeen te hanteer wat steeds bly volhard het in sonde en wat aangehou het om leuens en dwalinge te verkondig wat duidelik in stryd was met die kernwaarhede van God se Woord.

Die oogmerk daaragter was dus niks anders nie as om mense met genade en waarheid te bedien, net soos Jesus dit eens gedoen het.

Ons God en Vader het steeds elkeen lief wat bly volhard in hulle sonde, en wat bly volhard om dinge, in stryd met die waarheid van die Woord, te verkondig. God se hart is ook wat hulle betref, dat hulle weer tot bekering sal kom, want Hy wil nie dat enigeen van hulle uiteindelik verlore sal gaan nie, maar eerder gered sal word.

Page 1 of 8